ამასთან დაკავშირებით, ორმხრივი თანამშრომლობის მემორანდუმი „ელიტ ელექტრონიქსსა" და „თბილისი ცენტრალს" შორის 26 ოქტომბერს გაფორმდა.

„ელიტ ელექტრონიქსის" მენეჯმენტის ინფორმაციით, ახალი ობიექტი აქამდე საქართველოში არსებული ტექნიკის მაღაზიებისაგან სრულიად განსხვავებული სტილით იქნება წარმოდგენილი და მომხმარებელს ყველაზე ფართო ასორტიმენტს შესთავაზებს.

„თბილისი ცენტრალში მაღაზია მომხმარებლებს 1 დეკემბრიდან მოემსახურება და სხვადასხვა ბრენდების ტექნიკის ფართო ასორტიმენტს წარმოუდგენს. ობიექტის გახსნაში ნახევარი მილიონი ლარი ინვესტიცია დაბანდდება. მაღაზია 700 კვ.მ ფართობზე იქნება განლაგებული და მომხმარებელს 2000-ზე მეტი დასახელების ტექნიკას შესთავაზებს. ეს არის რითეილ ვაჭრობის განსხვავებული, ევროპული მოდელი, რომელიც მყიდველს უმარტივებს დათვალიერებას, ხოლო შეძენის პროცესს უფრო მოსახერხებელს ხდის,"- აცხადებს „ელიტ ელექტრონიქსის" დირექტორის პირველი მოადგილე დავით კენჭაძე.

კომპანიის მენეჯმენტის ინფორმაციით, აღნიშნული მაღაზიის გარდა, 2010 წლის ბოლომდე „ელიტ ელექტრონიქსის" ქსელს კიდევ 4 ახალი მაღაზია შეემატება. აქედან პირველი სავაჭრო ობიექტი 1 ნოემბერს გაიხსნება.

„წლის ბოლომდე, საერთო ჯამში ხუთი ახალი მაღაზია გაიხსება და ორმოცდაათზე მეტი ადამიანი დასაქმდება. გარდა ამისა, სასიამოვნო სიახლეები იგეგმება სერვისის გაუმჯობესებისა და საგარანტიო მომსახურების მიმართულებითაც. ჩვენ, როგორც ლიდერები ტექნიკის ბაზარზე, ყველაფერს ვაკეთებთ, რომ ვიყოთ მორგებული მომხმარებლის კომფორტზე და ვცდილობთ მათ პროდუქციის შეძენისას მაქსიმალურად სრულყოფილი პირობები შევთავაზოთ,"-აცხადებს დავით კენჭაძე.

ცვლილებები იგეგმება საგარანტიო პირობებთან დაკავშირებითაც. მომდევნო სამი თვის განმავლობაში, „ელიტ ელექტრონიქსი" წამყვანი ბრენდების პროდუქციის გარანტიას ერთი წლით დამატებით გაზრდის. "დღეიდან საგარანტიო პირობებში საინტერესიო სიახლეები შევიდა. „ბოშის", სიმენსის „გორენიეს" და „შარპის" პროდუქციის შეძენისას მომხმარებელი დამატებით, საჩუქრად კიდევ ერთ წლიან გარანტიას მიიღებს. აქცია „სონის" ტელევიზორებზეც ვრცელდება, ყველა მყიდველი ვინც არჩევანს „სონის" ტელევიზორზე გააკეთებს, საჩუქრად დამატებით საგარანტო ვადას, 1 წელს მიიღებს. ასე, რომ მომდევნო სამი თვე შესანიშნავი დროა ამ ცნობილი ბრენდების ტექნიკის შესაძენად და იმედი მაქვს, ჩვენი მომხმარებელი ამ დროს წარმატებით გამოიყენებს,"-აცხადებს დავით კენჭაძე.

სს "ელიტ ელექტრონიქსი" საქართველოს სამომხმარებლო ბაზარზე 1996 წლიდან ფუნქციონირებს და სადღეოსოდ 21 მაღაზიას მოიცავს. კომპანიას გამოარჩევს, ფართო და მუდმივად განახლებადი ასორტიმენტი, საგარანტიო მომსახურება, შეძენილი ნივთის ადგილზე მიტანის, საქონლის განვადებით შეძენის სერვისი, მომსახურების მაღალი დონე, სისტემატურად ფასდაკლებებისა და სპეციალური საჩუქრების დაწესების ტრადიცია.