საქართველოს ეროვნულ ბანკს, კრედიტ ინფო საქართველოსა და კომერციულ ბანკებს შორის ურთიერთშეთანხმების მემორანდუმი გაფორმდა.
მემორანდუმის თანახმად, ე.წ შავი სიები გაუქმდა.
კომერციული ბაკები შეთანხმდენ, რომ საკრედიტო ობიექტის შესახებ მხოლოდ "კრედიტინფო საქართველოს" მონაცემთა ბაზაში არსებული ინფორმაცია არ იქნება მსესხებლისთვის სესხის გაცემაზე უარის თქმის საფუძველი.
"მოხარული ვარ, რომ რამდენიმეთვიანი მუშაობის შემდეგ ეროვნული ბანკი, საბანკო სექტორი და კრედინფო მივედით საერთო გადაწყვეტილებამდე. პრინციპულად იცვლება მიდგომა კლიენტის შესახებ არსებული ინფორმაციისადმი: არარ იარსებებს ცალკე ე.წ. შავი სიები - მსესხებლის შესახებ იწარმოება ერთი საკრედიტო ისტორია, რომელშიც ერთიანად აისახება მსესხებლის მიერ შერულებული ან ვერშესრულებული ვალდებულება. დღევანდელი მემორანდუმი დიდი ნაბიჯია მომხმარებელთა უფლებების დასაცავად", - განაცხადა მემორანდუმის პრეზენტაციისას ეროვნული ბანკის პრეზიდენტმა გიორგი ქადაგიძემ.
მსესხებლის საკრედიტო ისტორია შეინახება 7 წლის განმავლობაში, რაც შეეხება შეუსრულებელ ვალდებულებებს, მისი შენახვის ვადა 7-დან 5 წლამდე შემცირდა.
სს "კრედიტინფო საქართველოში" სულ „კრედიტინფო საქართველოს" მონაცემთა ბაზაში განთავსებულ ჩანაწერთა რაოდენობამ, ანუ ინფორმაციამ მიმდინარე და დაფარული და ასევე ვადაგადაცილებული და გადაუხდელი სესხების შესახებ, 2 000 000 - ზე მეტია.
მემორანდუმზე სხვადასხვა კომერციული ბანკების წარმომადგენლებაც მოაწერეს ხელი. მოქმედებას კი ხელის მოწერისთანავე დაიწყებს.
