დიდუბე-ჩუღურეთის რაიონში, წერეთლის გამზირზე, წყალსადენის 600 მმ-იან ქსელზე მომხდარი დაზიანების ლიკვიდაციის მიზნით, ხვალ, 27 ოქტომბერს 12:00-დან 24:00 საათამდე, წყალმომარაგება შეუწყდება რაიონის რამდენიმე ქუჩას.
როგორც "ჯი-ეიჩ-ენს" კომპანია `ჯორჯიან უოთერ ენდ ფაუერის~ პრესსამსახურში განუცხადეს, წყალმომარაგება შეუწყდება: ხოშარაულის, აგლაძის, გოგოლაურის, გუდაუთის, ვანის, ბაქრაძის, სტანისლავსკის, გაფრინდაულის, გვეტეძის, თედორე მღვდლის, კედიას, ცაბაძის, იამანიძის, ღრმაღელის, ყიფიანის, ბათუმის, სოხუმის, ფოთის, გორის, ზუგდიდის, ქუთაისის, ვახუშტი ბაგრატიონის, ვორონინის, აბასთუმნისა და ქურდიანის ქუჩებს. წინამძღვრიშვილის ქუჩას - რკინიგზის დეპარტამენტიდან ცაბაძის ქუჩამდე; წერეთლის გამზირს - სამტრედიის ქუჩამდე; დავით აღმაშენებლის გამზირს - კარგარეთელის ქუჩიდან ცაბაძის ქუჩამდე, თამარ მეფის გამზირის ლუწ ნომრებს.
დაზიანების სალიკვიდაციო სამუშაოებს `ჯორჯიან უოთერ ენდ ფაუერის~ საავარიო ბრიგადები ხვალ დილიდან შეუდგებიან.
კომპანია `ჯორჯიან უოთერ ენდ ფაუერი~ ითვალისწინებს წყალმომარაგების შეზღუდვით გამოწვეულ დისკომფორტს და ბოდიშს უხდის თავის მომხმარებლებს.