საქართველოს ეკონომიკისა და მდგრადი განვითარების მინისტრის ნათია თურნავას განცხადებით, ოპოზიცია განწირულია წაგებისთვის, ვინაიდან, მისი რწმენით, საპარლამენტო არჩევნებში "ქართული ოცნება" დამაჯერებლად იგებს. ამის შესახებ თურნავამ მთავრობის ადმინისტრაციაში გამართულ ბრიფინგზე განაცხადა.
მისი თქმით, "ქართული ოცნება" დამაჯერებლად იმარჯვებს პირველივე ტურში და მოიპოვებს უმრავლესობას.
ამას ასახავს ყველა ობიექტური კვლევა და მოსახლეობის განწყობა და ყოველდღიური შეხება მოსახლეობასთან. მე და ჩემი კოლეგები, პრემიერ-მინისტრი, გუნდის სხვა წევრები მუდმივად ვხვდებით რეგიონებში მოსახლეობას. მოსახლეობა ხედავს გაკეთებულ საქმეებს, ხედავს, ვინ არის პასუხისმგებლიანი ძალა და დარწმუნებული ვართ, კვლავ ნდობის მანდატს მოგვანიჭებს.
რაც შეეხება ოპოზიციის განწყობებს, ეს არის სწორედ იმის გამოხატულება, რომ ოპოზიცია განწირულია წაგებისთვის. მას პრაქტიკულად სხვა არაფერი რჩება, გარდა იმისა, რომ იფიქროს ძალადობრივ სცენარებზე, რაც დამახასიათებელია რადიკალური ოპოზიციისთვის. აქედან გამომდინარე, არის ეს მზადება. რა თქმა უნდა, ეს იქნება აღკვეთილი ჩვენი მხრიდან. მოსახლეობას არ სჭირდება რევოლუციები", - განაცხადა ნათია თურნავამ.
