საქართველოში COVID-19-თან ბრძოლაში სამედიცინო მიმართულების უფროსკურსელებიც ჩაერთვებიან.
როგორც დღეს განათლების მინისტრმა მიხეილ ჩხენკელმა განაცხადა, სამედიცინო მიმართულების უფროსკურსელები კოვიდმენეჯმენტში ჩასართავად გადამზადდებიან.
მიხეილ ჩხენკელის თქმით, ამით შეიქმნება სამედიცინო პერსონალის რეზერვი. ისინი საჭიროების შემთხვევაში ჩაერთვებიან კოვიდის სამედიცინო მენეჯმენტში და დაეხმარებიან ექიმებს.
"დღეს უწყებათაშორის საბჭოზე მივიღეთ გადაწყვეტილება, რომ სამედიცინო მიმართულების უფროსკურსელები გადამზადდებიან, გაივლიან სწრაფ კურსს, რათა შეიქმნას სამედიცინო პერსონალის რეზერვი და საჭიროების შემთხვევაში, ისინი ჩაერთვებიან კოვიდის სამედიცინო მენეჯმენტში და დაეხმარებიან ჩვენს ექიმებს", - განაცხადა მინისტრმა.
