"საქართველოს ისრაელის ტურიზმის დეპარტამენტი ეწვევა", _ ეს განცხადება ეკონომიკისა და მდგრადი განვითარების მინისტრიმა ვერა ქობალიამ ეკონომიკისა და მდგრადი განვითარების და რეგიონალური განვითარების სამინისტროების გაერთიანებულ სხდომაზე გააკეთა, რომელსაც საქართველოს პრეზიდენტი მიხეილ სააკაშვილი ესწრებოდა.
ქობალიას თქმით, ისრაელში მცხოვრები მოსახლეობა დაინტერესებულია საქართველოში ჩამოსვლით. 500 ათასი ტურისტი ჩადიოდა თურქეთში, ახლა კი ეძებენ ახლო მდებარე ქვეყნების ტერიტორიებს, სადაც შეიძლება ჩავიდნენ.
"საბერძნეთის, კვიპროსისა და ბულგარეთის ჯგუფები ძლიერად მუშაობენ ისრაელში, რომ ამ ქვეყნის მოსახლეობა თავიანთ ქვეყნებში ჩაიყვანონ. ჩვენ აქტიურად ჩავერთეთ ამ მუშაობაში. ისრაელში განსაკუთრებით დაინტერესებულნი არიან ზამთრის კურორტებით. მინდა აღვნიშნო, რომ ისრაელის ტურიზმის დეპარტამენტი ზამთარში მესტიას ეწვევა, რაც ებრაელი ტურისტისთვის ძალინ დიდი რეკლამა იქნება", _ აღნიშნა ქობალიამ.
მისი თქიმთ, ისრაელში მიაჩნიათ, რომ აუცილებელია რეიგონებში 2- და 3-ვარსკვლავიანი სასტუმროების მშენებლობები განხორციელდეს, რაზედაც ტურიზმის დეპარტამენტთან ერთად ეკონომიკის სამინისტროც დაიწყებს მუშაობას.