USAID-ის ენერგეტიკული პროგრამის ორგანიზებით გამართულ შეხვედრაზე სემეკის წევრი მაია მელიქიძე პრეზენტაციით წარდგა.
მაია მელიქიძემ ისაუბრა სემეკის მიერ მიღებულ სამართლებრივ აქტებზე და საქართველოს ენერგეტიკის სექტორში ევროკავშირის კანონმდებლობასთან შესაბამისობის თვალსაზრისით არსებულ მდგომარეობაზე. პრეზენტაციისას მან ყურადღება გაამახვილა აღნიშნულ პროცესში USAID-ის ენერგეტიკული პროექტის მიერ გაწეულ დახმარებასა და მის მნიშვნელობაზე.
USAID-ის ენერგეტიკული პროგრამის ორგანიზებით გაიმართა დონორთა და ენერგეტიკული ბაზრის მონაწილეთა შეხვედრა. აღნიშნული შეხვედრის ფარგლებში განხორციელდა ენერგეტიკული სექტორის რეფორმების შეჯამება და ყურადღება გამახვილდა იმ ღონისძიებებზე, რომლებიც საქართველომ ენერგეტიკულ სექტორში გაატარა.