აჭარაში მარინა ეზუგბაიას ხელმძღვანელობით შექმნილი მობილური ჯგუფის წევრები მუშაობას აგრძელებენ. სპეციალისტები რეგიონში პაციენტების მართვას უწევენ კოორდინაციას.
სამედიცინო დაწესებულებში გამართული ინდივიდუალური ვიზიტების შემდეგ საქართველოს ჯანდაცვის მინისტრის მოადგილესთან თამარ გაბუნიასთან ერთად სამუშაო შეხვედრა შედგა იმ სამედიცინო დაწესებულებების კლინიკურ დირექტორებთან, სადაც კოვიდ დადებითი პაციენტების მკურნალობა მიმდინარეობს.
ამ ეტაპზე აჭარაში კორონავირუსით ინფიცირებული პაციენტების მკურნალობის პროცესში ჩართულია 10 სამედიცინო დაწესებულება, აქედან ოთხი კლინიკა პაციენტების მიღებას ე.წ. ჰიბრიდული მეთოდით ახორციელებს.