საქართველოს ჯანდაცვის მინისტრის, ეკატერინე ტიკარაძის განცხადებით, სასწრაფო-სამედიცინო დახმარების ბრიგადების დაყოვნება პანდემიის პირობებში სრულიად ნორმალური.
მისივე თქმით, სასწრაფო დახმარების სამსახურის მიმართ პრეტენზია არაკორექტულია.
"ვირუსით დაავადებული ადამიანი არ არის კარდიოლოგიური ან ნერვული სისტემით დაავადებული ადამიანი, რომელსაც სჭირდება 20 წუთში სასწრაფო ბრიგადის ადგილზე მისვლა. ეს არის გეგმური პროცესი. ამ პერიოდში ექიმებს სჭირდებათ აღჭურვილობის გამოცვლა, ისინი მუშაობენ სრული დატვირთვით და ამიტომ პრეტენზია სასწრაფო დახმარების სამსახურის მიმართ არის არაკორექტული", - განაცხადა ტიკარაძემ.