დაავადებათა კონტროლისა და საზოგადოებრივი ჯანმრთელობის ეროვნული ცენტრის დირექტორის, ამირან გამყრელიძის განცხადებით, "ლოკდაუნზე საუბარი აღარ არის, რადგან ეკონომიკას ვერ გააჩერებ და ადამიანებს მეტი სიღარიბისკენ ვეღარ უბიძგებ".
მისი განცხადებით, ჯანდაცვის სისტემა დღეს უფრო მომზადებულია, ვიდრე გაზაფხულზე.
"ჯანდაცვის სისტემა დღეს ბევრად მეტ დაწოლას უძლებს, ვიდრე ეს გაზაფხულზე იყო მოსალოდნელი. ამიტომ, უნდა გაიხსნას ეკონომიკა და ამავე დროს, ინდა იყოს მზადყოფნაც. როგორც გრიპის დროს ჩვენ არ ვკეტავთ ქვეყანას, ქვეყანაში დიაბეტით 120 000 ოფიციალურად რეგსტრირებული პაციენტია და ერთი ამდენია, ვინც რეგისტრირებული არ არის. 240 ათასი დიაბეტით დაავადებული ავადმყოფისთვის ქვეყანას ხომ არ ვკეტავთ, ან რომელიმე ინფექცია როცა ჩნდება", - განაცხადა ამირან გამყრელიძემ.
