პარლამენტში არასამთავრობო ორგანიზაციებთან ურთიერთობის ბიურო იქმნება.
აღნიშნულთან დაკავშირებით პარლამენტის თავმჯდომარე დავით ბაქრაძე ამერიკის შეერთებული შტატების საერთაშორისო განვითარების სააგენტოს და საერთაშორისო საქმეთა ეროვნულ დემოკრატიული ინსტიტუტის NDI-ს წარმომადგენლებს ხვდება.
როგორც დავით ბაქრაძემ შეხვედრის დაწყების წინ ჟურნალისტებთან განაცხადა, ბიუროს შექმნის მიზანია პარლამენტსა და არასამთავრობო სექტორს, პარლამენტსა და სამოქალაქო საზოგადოების ურთიერთობის გაუმჯობესება იმ მიზნით, რომ პარლამენტის საქმიანობაში არასამთავრობო ორგანიზაციები უფრო აქტიურად იყვნენ ჩართულები.
"ბიუროს მიზანი იქნება კანონპროექტების განხილვაში და საპარლამენტო კომიტეტებში უფრო აქტიურად ჩაერთონ არასამთავრობო ორგანიზაციების წარმომადგენლები და პარლამენტის წევრები საკითხთან დაკავშირებით მათ პოზიციას იცნობდნენ. ამ ბიუროს ერთადერთი მიზან იქნება არასამთავრობო სექტორსა და პარლამენტის წევრებს შორის კოორდინირებული მუშაობის ორგანიზება," - აღნიშნა ბაქრაძემ.
დღევანდელ შეხვედრაზე აღნიშნული ბიუროს ჩამოყალიბებასთან დაკავშირებით მოხსენებით გამოვლენ დავით ბაქრაძე, USID-ის წარმომადგენლები ჯონათან ჰეილი და ლუის ნავარო ასევე NDI-ის საქართველოს ოფისის დირექტორი. პროექტი აშშ-ს მთავრობის მიერ ფინანსდება. იგი 4 წელზეა გათვლილი და ბიუჯეტი 6 მილიონ 700 ათას დოლარს შეადგენს. რომელსაც NDI-ი განახორციელებს.
