საქართველოს სახელმწიფო ელექტროსისტემამ გადაცემის სისტემაში სარეაბილიტაციო სამუშაოების მორიგი ეტაპი დაასრულა.

სსე-ს ინფორმაციით, მათ კუთვნილ ქვესადგურებსა და გადამცემ ხაზებზე სარეაბილიტაციო სამუშაოები გეგმის მიხედვით ჩატარდა. მათი ინფორმაციით, ენერგოობიექტებზე შესრულდა 300 ინსპექტირება, განხორციელდა 113 მიმდინარე შეკეთება, 70 სარეაბილიტაციო-აღდგენითი და 84 სახის დაუგეგმავი სამუშაო.

სსე-ის ძალებით, კაპიტალურად შეკეთდა 1 ძალოვანი ტრანსფორმატორი და 2 საკუთარი მოხმარების ტრანსფორმატორი; შეიცვალა 6 კომპლექტი ამომრთველი; 32 კომპლექტი გამთიშველი; 24 ცალი ძაბვის ტრანსფორმატორი; 15 კომპლექტი დენის ტრანსფორმატორი და 9 ცალი მცლელი.

სარემონტო სამიშაოები ჩაუტარდა 35-10 კვ. -იან 5 ამომრთველს, 35 კვ. ცხრა გამთიშველს და ერთ 35 კვ. ძაბვის ტრანსფორმატორს; ელექტოგადამცემ ხაზებზე აღდგა 707.1 მეტრი კუთხოვანი, 220 კვ. 1 ცალი საყრდენი და 110 კვ. 4 ცალი იზოლატორი.

რეგიონალური ქსელების აღრიცხვის და სარელეო დაცვის ჯგუფებმა სათაო ოფისი თანამშრომლების მონაწილეობით სექტემბრის თვეში შეასრულეს როგორც გეგმიური, ისე არაგეგმიური სამუშაოები. შესრულდა ახალი მოწყობილობების მეორადი წრედების სამონტაჟო სამუშაოები. აღნიშნული სამუშაოები ტარდება გადაცემის ქსელის შეუფერხებლად ფუნქციონირებისათვის და მისი საიმედოობის გაზრდისათვის