უნგრელი ინვესტორები 2011 წლის ბოლომდე საქართველოში ინდაურის ფერმას ააშენებენ, რისთვისაც ქვეყანაში რამოდენიმე მილიონიან ინვესტიცია განახორციელებენ, ამის შესახებ სააგენტო "ჯი-ეიჩ-ენთან" საუბრისას სოფლის მეურნეობის მინისტრმა ბაკურ კვეზერელმა განაცხადა.
მინისტრის განმარტებით, ის უნგრეთში ვიზიტისას ინვესტორთა რამოდენიმე ჯგუფს შეხვდა, რომლებმაც საქართველოში ინდაურის ფერმის მშენებლობის სურვილი გამოთქვეს.
"უნგრელი ბიზნესმენები საქართველოში ინდაურის ფერმის მოწყობით, ინდაურის ხორცის გადამუშავებით და შემდგომ მისი ექსპორტირებით არიან დაინტერესებულნი. მათი მიზანია ასევე საქართველოში წარმოებლი ინდაურის ხორცი ადგილობრივ ბაზასაც შესთავაზონ. უნგრელი ბიზნესმენები საქართველოს ნოემბრის დასაწყისში ეწვევიან და ფერმისათვის ასაშენებელ ადგილებს მოინახულებენ და ამის შემდეგ გადაწყვეტენ თუ კონკრეტულად სად აშენდება ინდაურის ფერმა", _ განაცხადა "ჯი-ეიჩ-ენთან" საუბარში ბაკურ კვეზერელმა.
კვეზერელის განმარტებით, უნგრელი ბიზნესმენები საქართველოში ხორბლისა და სიმინდის წარმოებითაც არიან დაინტერესებულნი.