2010 წლის 21 ოქტომბერს ქ. გორში, საქართველოს პროკურატურის ინიციატივით მიმდინარე მინი ფეხბურთის ჩემპიონატი დასრულდა. ტურნირის ფინალურ მატჩში გორის #10 საჯარო სკოლის მოსწავლეები ადგილობრივი პოლიციის გუნდს შეხვდნენ. მატჩის დამთავრების შემდეგ ჩემპიონებს სპეციალური პრიზები და სიგელები გადაეცათ.
მინი ფეხბურთში ტურნირი 9 ოქტომბერს დაიწყო და ორ კვირას გაგრძელდა. მასში მონაწილეობა მიიღო გორის რაიონის 25 გუნდმა, რომელთა შემადგენლობაშიც გორის 16 საჯარო სკოლის დამამთავრებელი კლასის მოსწავლეები, ასევე პროკურატურის, პოლიციის, პატრულის, პრობაციის სამსახურის, ადგილობრივი თვითმართველობის ორგანოების თანამშრომლები ასპარეზობდნენ.
სპორტული ღონისძიება არასრულწლოვანთა დანაშაულის პრევენციის კამპანიის ფარგლებში გაიმართა, რომელიც საქართველოს პროკურატურამ თებერვალში გამოაცხადა დევიზით _ `ახალგაზრდობა უდანაკარგოდ.~
კამპანიის მიზანია მოსწავლეებში ჯანსაღი ცხოვრების წესის დანერგვა და არასრულწლოვნების დანაშაულებრივი გზისგან არიდება.
