2010 წლის 30 სექტემბრის მდგომარეობით, საქართველოს საგარეო ვალმა 3 753 918 000 დოლარი შეადგინა, რაც 31 აგვისტოს მაჩვენებელთან შედარებით 179 612 000 დოლარით მეტია.
საგარეო ვალის ზრდა ფიქსირდება 2009 წლის ანალოგიურ პერიოდთან შედარებითაც. სტატისტიკური მონაცემების თაახმად, გასული წლის 30 სექტემბრის მდგომარეობით, საქართველოს საგარეო ვალი 3 301 512 000 დოლარით იყო განსაზღვრული.
ფინანსთა სამინისტროს ინფორმაციით, ვალის საერთო მოცულობიდან მრავალმხრივი კრედიტორების მიმართ ვალი 2 692 294 000 დოლარია, ხოლო ორმხრივი კრედიტორების მიმართ - 558 061 000 დოლარი.
30 სექტემბრის მდგომარეობით საქართველოს მიერ სახელმწიფო გარანტიით აღებული კრედიტების ოდენობა 3 563 000 დოლარს შეადგენს, ხოლო ევრობონდების ვალი - 500 000 000 დოლარს.