ფინანსური პოლიციის მიერ ლილოს ბაზრობაზე ჩატარებულ მასობრივ შემოწმებას თვითდასაქმებულთა, ვაჭრობის და ინდივიდიუალური წარმოების სფეროში მომუშავეთა პროფესიული კავშირი ეხმაურება.
როგორც გაერთიანებაში აცხადებენ, 300-მდე მოვაჭრე მოითხოვს, მიეცეთ თავისუფლად მუშაობის საშუალება. შემოწმების პეროდიში მაღაზიების დიდი ნაწილი დაილუქა, შეიქმნა არასამუშაო გარემო, პოლიციის სიმრავლის და ბაზრობაზე შექმნილი აჟიოტაჟის გამო სავაჭრო ცენტრში მომხმარებლების სიმცირეცაა- რაც მოვაჭრეებს მატერიალურად აზარალებს.
"იმ შემთხვევაში, თუ თვითდასაქმებულებს, რომლებსაც დარღვევები არ აქვთ, თავისუფლად მუშაობის საშუალებას არ მისცემენ, პროფკავშირი დასაქმებულთა უფლებებს სამართლებრივად დაიცავს", - ნათქვამია განაცხადებაში.
შეგახსნებთ, რომ დღეს დილით გავრცელად ინფორმაცია ლილოში მეწარმების დაკავების შესახებ, რასაც პოლიციასა და ლილოს მოვაჭრეებს შორის დაპირისპირება მოჰყვა.
ამ წუთებში ლილოს ბაზრობის ტერიტორიაზე "ეროვნული ფორუმის" ლიდერი კახაბერ შარტავაც იმყოფება.
