საქართველოს ბიზნეს ასოციაცია, IFჩ-ის დახმარებით, წევრი კომპანიების ხელმძღვანელებს რისკების მენეჯმენტისა და კორპორატიული მართვის საკითხებში ეხმარება.
ამ მიზნით, სასტუმრო "შერატონ მეტეხი პალასში" ბიზნეს ასოციაციის წევრებისთვის ორდღიანი სემინარი მიმდინარეობს.
ტრენინგს, რომელიც განკუთვნილია კომპანიების მენეჯმენტისთვის, სპეციალურად აშშ-დან მოწვეული გამოცდილი პროფესორები ოლივიერო როჯი და ტორბენ ანდერსენი უძღვებიან.
საქართველოს ბიზნეს ასოციაციის პრეზიდენტის, გიორგი ჭირაქაძის განმარტებით, მნიშვნელოვანია, როდესაც კომპანია რისკების მართვით ინტერესდება, რათა დაგროვილი გამოცდილების ფონზე ამა თუ იმ გამოწვევას იოლად გაუმკლავდეს.
"ეს სემინარი გამიზნული ძირითადად კომპანიების გენერალური და ფინანსური დირექტორებისათვის, მენეჯერებისათვის და ის კორპორატიულ მართვას ეხება. როდესაც ქვეყანაში ბიზნესი ვითარდება, რისკების მართვაზე დიდი ყურადღება უნდა გამახვილდეს. ქვეყანაში ძალიან ბევრი რისკი არსებობს, მათ შორის ფინანსური რისკებიც. საქართველოს სამაოდ ახაგზრდა ქვეყანაა და ჩვენ რისკების მართვაში დიდი გამოცდილება არ გვაქვს და მნიშვნელოვანია რომ კომპანიის დირექტორეებმა მკაფიოდ დაინახონ, თუ რა უნდა გაკეთდეს ფინანსური რისკების შესამცირებლად",- განუცხადა სააგენტო "ჯი-ეიჩ-ენს" გიორგი ჭირაქაძემ.
ბიზნეს ასოციაციის პრეზიდენტი ფიქრობს, რომ ფინანსურმა კრიზისმა და 2008 წლის აგვისტოს მოვლენებმა ბიზნესს გარკვეული გაკვეთილი ჩაუტარა და მათ რისკების მართვის გაძლიერებისაკენ უბიძგა.
"კრიზისმა ძალიან ბევრი რამ გამოავლინა. კრიზისის დროს გამოჩნდა სექტორები, რომლებმაც საკმაოდ კარგად გართვეს თავი ამ გამოწვევებს, მაგალითად საბანკო სექტორი. ჩვენ ვიცით რომ საბანკო სექტორმა საკმაოდ მკაფიოდ გაუძლო რისკებს თუმცა იყო სექტორები რომელსაც სერიოზული პრობლემები შეექმნათ. ომმა და კრიზისმა დაგვნახა იმის აიცილებლობა, რომ ბიზნესი კარგად უნდა იყოს მომზადებული სხვადასხვა შოკების წინააღმდეგ საბრძოლველად,"- აცხადებს ბიზნეს ასოციაციის პრეზიდენტი გიორგი ჭირაქაძე.
