მობილური ოპერატორი "ბილაინი", აბონენტებს თწეეტერ-ის მეშვეობითაც მოემსახურება. დღეიდან, ნებისმიერ მსურველს შეეძლება დასვას კითხვა ბილაინის სერვისებთან, სატარიფო გეგმებთან, თუ მომსახურებასთან დაკავშირებით, ბილაინის ოფიციალურ Tweeter-ის მისამართზე : http://twitter.com/BeelineGE და პასუხს, რამდენიმე წუთში, "ბილაინის" სპეციალისტისგან მიიღებს.
"სოციალური მედია მთელს მსოფლიოსა და საქართველოში, სულ უფრო და უფრო მძლავრი იარაღი ხდება, როგორც მომხმარებელზე ზრუნვის, ისე მარკეტინგული აქტივობების განხორციელებისათვის. ჩვენ გვაქვს სიახლეები იმ ადამიანებისათვის, ვინც უფრო და უფრო ხშირად იყენებს სოციალურ მედიას , თავის ყოველდღიურ ცხოვრებაში, ამუშავდა ჩვენი ოფიციალური გვერდი Facebook-ზე, რომლის მომხმარებელიც, ყოველი მეოთხე ადამიანია საქართველოში, რაც შეეხება თწეეტერ-ს, მისი პოპულარობა არც ისე დიდია, მაგრამ ამ ქსელის გამოყენება საკმაოდ მოსახერხებელია. დარწმუნებულები ვართ, რომ ბილაინის ამ სერვისის შედეგად, კიდევ უფრო მეტი ადამიანი დაიწყებს თწეეტერ-ის აქტიურ გამოყენებას", - განაცხადა "ბილაინის" საზოგადოებასთან ურთიერთობის სამსახურის უფროსმა თეონა ბაღდავაძემ.