საქართველოს შემოსავლების სამსახურის ორგანიზებით საბაჟო სისტემების მოდერნიზაციაზე საერთაშორისო კონფერენცია მიმდინარეობს. კონფერენციაში საქართველოში მსოფლიო საბაჟო ორგანიზაციის გენერალური მდივანი უნიო მიკურია მონაწილეობს.
როგორც უნიო მიკურია აცხადებს, საქართველოში საბაჟო ადმინისტრირების კუთხით ბევრი რეფორმა გატარდა და სამსახური საერთაშორისო სტანდარტებთან სრულ ჰარმონიზაციაშია.
"მოხარული ვარ, რომ კონფერენციის ჩატარების ადგილას საქართველო აირჩიეს, რადგან საქართველო არის ქვეყანა, სადაც საბაჟო ადმინისტრირების კუთხით ძალიან ბევრი რეფორმა გატარდა და გაუმჯობესდა ადმინისტრირება. ქვეყანაში საბაჟო ადმინისტრირება საერთაშორისო სტანადრტებთან არის მოყვანილი, თუმცა, გარკვეული დეტალები დასახვეწია. თუმცა, შეიძლება ჩავთვალოთ, რომ საქართველო საბაჟო რეფორმების თვალსაზრისით მოწინავე ქვეყანაა,"- განაცხადა მსოფლიო საბაჟო როგანიზაციის გენერალურმა მდივანმა უნიო მიკურიამ.
საქართველოს შემოსავლების სამსახურის უფროსის გიორგი ცხაკაიას განმარტებით, საქართველოს თავისუფლად შეუძლია გატარებული რეფორმებით იამაყოს და გამოცდილება სხვა ქვეყნებსაც გაუზიაროს.
"მრავალი რეფორმა გატარდა და ჩვენს გამოცდილებას მრავალი ქვეყანა იზიარებს, მათ შორის უკრაინაც. ძალიან ბევრი რამ გავაკეთეთ, რათა თავი მოვიწონოთ და ჩვენს მიერ გატარებული რეფორმების შესახებ თამამად ვაუწყოთ მსოფილო საზოგადოებას. ვამაყობ იმით, რომ საბაჟოზე გამარტივდა პროცედურები. შემცირდა დრო და საბაჟო ტვირთების განბაჟებას 2-3 საათის ნაცვლად უკვე 5 წუთი სჭირდება. ამავდროულად არსებობს "ოქროს სია" და შესაძლებლობა არის მეწარმეს დღგ უკან დაუბრუნდეს. ეს თავისთავად ბიზნესს ცხოვრებას უმარტივებს," - განაცხადა გიორგი ცხაკაიამ.