სახელმწიფო "აკად. გ. ჩაფიძის სახელობის გადაუდებელი კარდეოლოგიის ცენტრი"-ს სახელმწიფო საკუთრებაში არსებული 100%-იან წილს ყიდის. ობიექტის საწყისი ღირებულება 1 მლნ. 200 ათასი დოლარია და მის გასხვისებას ეკონომიკისა და მდგრადი განვითარების სამინისტრო 3 ნოებრისათვის დაგეგმილ აუქციონზე გეგმავს.
"აკად. გ. ჩაფიძის სახელობის გადაუდებელი კარდეოლოგიის ცენტრს" 652621.19 ლარის ოდენობის დებიტორული დავალიანება და 931016.72 ლარის მოცულობის კრედიტორული დავალიანება გააჩნია.
საპრივატიზაციო პირობების თანახმად, ინვესტორი ვალდებულია ობიექტს ჯანდაცვის პროფილი შესაბამისი ხელშეკრულების გაფორმებიდან 7 წლის განმავლობაში შეუნარჩუნოს და 3 წლის განმავლობაში არანაკლებ 800 ათასი აშშ დოლარის ინვესტიციის განახორციელოს.
საპრივატიზაციო პირობების თანახმად, ინვესტორი იღებს ვალდებულებას, რომ შესაბამისი ხელშეკრულების გაფორმებიდან სამი წლის განმავლობაში ცენტრის ბაზაზე სრულფასოვანი კარდიოლოგიური რეაბილიტაციის სამსახურის შეიქმნას.