საბურთალოს ოლქში "ლელოს" მაჟორიტარობის კანდიდატი ბადრი ჯაფარიძე იქნება. ამის შესახებ "ლელო საქართველოსთვის" გენერალურმა მდივანმა, ბადრი ჯაფარიძემ ბრიფინგზე განაცხადა.
"ეს გადაწყვეტილება მიღებულია იმისათვის, რათა საბურთალოს მცხოვრებლებმა, ადამიანებმა, რომლებიც მთელი ეს წლებია განიცდიან გაჭირვებას, ერთხელ და სამუდამოდ იგრძნონ, რომ მათი წარმომადგენელი პარლამენტში იქნება ადამიანი, რომელიც შეძლებს იზრუნოს არა მხოლოდ საბურთალოს მცხოვრებლების, არამედ მთლიანად ჩვენი ქვეყნის პრობლების გადაჭრაზე, იმაზე, რომ შევძლოთ დავძლიოთ ყოველდღიური გაჭირვება და ის კრიზისი, რომელშიც ქვეყანაში აღმოჩნდა", - განაცხადა ბადრი ჯაფარიძემ.
შეგახსენებთ, "ქართული ოცნების" სახელით საბურთალოს ოლქში კენჭს დავით სერგეენკო იყრის.
