"საერთაშორისო გამჭვირვალობა-საქართველო" 3 ივლისს აქვეყნებს კვლევას პარლამენტის წევრ, ვიქტორ ჯაფარიძის ბიზნესინტერესებთან დაკავშირებით.
ორგანიზაციის ინფორმაციით, ჯაფარიძესთან დაკავშირებულმა კომპანიებმა სახელმწიფო შესყიდვებით 2018 წლიდან დღემდე 6 264 688 ლარი მიიღეს. ჯაფარიძე 16 წელია პარლამენტის წევრია.
"ვიქტორ ჯაფარიძის ნაწილობრივ მფლობელობაში არსებული კომპანია გამარტივებულ შესყიდვებს იღებს, ტენდერებში კი მისი შვილის, ოთარ ჯაფარიძის კომპანიები იმარჯვებენ
ჯაფარიძის ოჯახს და მათ ბიზნესპარტნიორებს ქართული ოცნებისთვის ჯამში 410 000 ლარი აქვთ შეწირული.
მოვუწოდებთ:
სახელმწიფო უსაფრთხოების სამსახურის ანტიკორუფციულ სააგენტოს და გენერალურ პროკურატურას, შეისწავლონ ვიქტორ ჯაფარიძესთან და მის შვილთან დაკავშირებული კომპანიების თითოეული ტენდერი და დაადგინონ შეიცავს თუ არა კორუფციის შესაძლო ნიშნებს
საჯარო სამსახურის ბიუროს, შეისწავლოს ვიქტორ ჯაფარიძის ქონებრივი მდგომარეობის დეკლარაცია და მოახდინოს შესაბამისი რეაგირება", - ნათქვამია "საერთაშორისო გამჭვირვალობა-საქართველოს" მიერ გავრცელებულ განცხადებაში.
დეტალები წაიკითხეთ აქ.