ევროკავშირის დღევანდელი განცხადების შემდეგ, რუსეთმა ბავშვები უნდა გაათავისუფლოს, _ განაცხადა სახელმწიფო მინისტრმა რეინტეგრაციის საკითხებში თემურ იაკობაშვილმა ეროვნული უშიშროების საბჭოს გაფართოებული სხდომის დასრულების შემდეგ. სხდომა პრეზიდენტის ავლაბრის სასახლეში მიმდინარეობდა.
"რუსეთს რამე ნამუსი შერჩენია, ევროკავშირის განცხადების შემდეგ, სადაც ის ბავშვების უპირობო გათავისუფლებისკენ მოუწოდებს, ბავშვები უნდა გამოუშვან", _ განაცხადა იაკობაშვილმა.
მისივე თქმით, სხდომაზე დეტალურად იყო განხილული როგორც გატაცებული ბავშვების, ასევე ლარსის გამშვები პუნქტის გახსნის საკითხები.
