პარიზში საპროტესტო აქციის მონაწილეებმა საფრანგეთის ჯანდაცვის სამინისტროს შენობას წითელი საღებავები შეასხეს.
აქციის ორგანიზატორების განცხადებით, წითელი საღებავს სიმბოლური დატვირთვა აქვს და იგი კოვიდ-19-ით დაღუპული ადამიანების სისხლს გამოხატავს.
საპროტესტო აქციის ძირითადი მოთხოვნა საფრანგეთში ჯანდაცვის მუშაკების პირობების გაუმჯობესება და მათთვის ღირსეული სამუშაო გარემოს შექმნა იყო.
"წლების განმავლობაში ჯანდაცვის მუშაკები გვაფრთხილებდნენ, რომ მათ არ აქვთ საკმარისი რესურსი სამედიცინო პერსონალისთვის, საწოლები, აღჭურვილობა, რაც საშუალებას მისცემდა ღირსეულად ეზრუნათ პაციენტებზე", - განაცხადა საპროტესტო აქციის ერთ-ერთმა მონაწილემ.
იტყობინებიან, რომ საფრანგეთის პრეზიდენტის გადაწყვეტილებით, კორონავირუსის პანდემიასთან თავდაუზოგავი ბრძოლისთვის, ჯანდაცვის მუშაკები 1500-ევროიან ბონუსს მიიღებენ.