მცხეთა მთიანეთის სამხარეო ადმინისტრაცია მოსახლეობას მოუწოდებს, რომ "ლომისობის" დღესასწაულზე თავი შეიკავონ როგორც ტაძრის ეზოში, ასევე საველე პირობებში სადღესასწაულო სუფრების გაშლისგან. როგორც ცნობილია 10 ივნისს ლომისობის დღესასწაული აღინიშნება.
მთიულები 10 ივნისს „ლომისის“ წმინდა გიორგის სახელობის ტაძრის დღესასწაულს-„ლომისობას“ ზეიმობენ.
“ლომისობა“დუშეთში ყოველ წელს აღდგომიდან მე-7 კვირას აღინიშნება. საქართველოში „ლომისას“ რამდენიმე სალოცავი არსებობს, რომელთაგან ყველაზე მთავარი და უძველესი ქსნისა და არაგვის წყალგამყოფ ქედზე, ისტორიულ მთიულეთში მდებარე ეკლესიაა.
"ამ დღესასწაულს მთაში განსაკუთრებით აღნიშნავენ,შესაბამისად მთიულებისთვის ეს დღე მეტად მნიშვნელოვანია.
ქვეყანაში არსებული ეპიდ-სიტუაციიდან გამომდინარე მცხეთა-მთიანეთის მხარე ამ დრომდე მწვანე ზონის სტატუსით სარგებლობს ,რაც სამომავლოდ როგორც შიდა ასევე საერთაშორისო ტურისტების მისაღებად მნიშვნელოვანი ფაქტორია. მცხეთა მთიანეთის სამხარეო ადმინისტრაცია ზრუნავს მოსახლეობის ჯანმრთელობაზე, შესაბამისად ჩვენ გვსურს რეგიონმა სამომავლოდ ეს სტატუსი შეინარჩუნოს, შესაბამისად მოვუწოდებთ მოსახლეობას თავი შეიკავონ როგორც ტაძრის ეზოში, ასევე საველე პირობებში სადღესასწაულო სუფრების გაშლისგან", აღნიშნულია ადმინისტრაციის განცხადებაში.
