აჭარის საზოგადოებრივი მაუწყებლის ინფორმაციით, ხელვაჩაურის სამარშუტო ტაქსებმა მგზავრობის საფასური გააძვირეს. მოქალაქეები აცხადებენ, რომ 2 დღეა 50 ნაცვლად 70 თეთრს იხდიან.
''აჭარტრანსპორტის'' ხელმძღვანელი სატელევიზიო კომენტარზე უარს ამბობს, პირად საუბრებში კი ირწმუნება, რომ მგზავრობის საფასური არ შეცვლილა.
მძღოლები ადასტურებენ ტარიფის გაძვირებას, მიზეზად კი დაწესებულ შეზღუდვებს ასახელებენ. მათი თქმით, აკრძალული აქვთ გვერდით მგზავრის დაჯდომა, ასევე ფეხზე მდგომი მოქალაქეების გადაყვანა.