ძაღლისგან დაკბენის 15 შემთხვევა მხოლოდ ერთ დღეში - შემთხვევა ახალციხეში, სხვადასხვა ქუჩაზე მოხდა, აქედან ცხრა პირველადი და ექვსი მეორეული შემთხვევაა.
რუსთავი 2-ის ინფორმაციით, ყველა დაკბენილი არასრულწლოვანია, მათ შორის ყველაზე პატარა ორი წლისაა. ექიმის თქმით, დაზარალებული ბავშვების მდგომარეობა დამაკმაყოფილებელია, ყველა მათგანს ცოფის საწინააღმდეგო აცრა გაუკეთდა და ისინი ამჟამად უკვე სახლებში იმყოფებიან.
მიუსაფარი ცხოველებიდან ერთ-ერთი შესაბამისმა სამსახურმა დახურულ სივრცეში გადაიყვანა. დანარჩენები ამ დრომდე ახალციხის ქუჩებში გადაადგილდებიან.
