თბილისის მერის, კახა კალაძის განცხადებით, საზოგადოებრივი ტრანსპორტის მოძრაობის აღდგენის ზუსტი თარიღი უცნობია, თუმცა სავარაუდოდ ივნისის დასაწყისიდან უნდა ველოდოთ.
"საკოორდინაციო საბჭოს სხდომაზე დღეს მე პირადად დავსვი ეგ შეკითხვა, რადგან საზოგადოების მხრიდან არსებობს დიდი ინტერესი. ზუსტი თარიღი უცნობია. ველოდებით მითითებებს თუმცა ჯერ არანაირი მითითებები არ მიგვიღია იმასთან დაკავშირებით, თუ როგორი უნდა იყოს წესები და ხალხმა როგორი წესებით უნდა ისარგებლოს. გვაქვს სრული მზადყოფნა. როდესაც იქნება გადაწყვეტილება მიღებული, მერია ტრანსპორტს აამუშავებს. დარგის სპეციალისტების რეკომენდაციებს ველოდებით. ტრანსპორტის ამუშავების შემდეგ, იქნება ყველა ის შემადგენლობა, რომელიც გაგვაჩნია, დაახლოებით 700 ავტობუსი გვყავს. 500 ემსახურება მოსახლეობას სხვა პერიოდში. საჭიროების შემთხვევაში დამატებითი ავტობუსები გავა ქალაქში. სავარაუდოდ ივნისის დასაწყისში მოხდება ტრანსპორტის აღდგენა", - განაცხადა კალაძემ.