რუსეთის ფინანსთა მინისტრის ალექსეი კუდრინის განცხადებით, ეს პერიოდი შესაძლოა გაგრძელდეს იმაზე მეტხანს, რისი მოლოდინიც რუსეთის ხელისუფლებას ადრე ჰქონდა.

"გარკვეული წინააღმდეგობები ჯერ კიდევ არსებობს. როცა ვამბობდი, რომ დოკუმენტების ბოლომდე შემუშავებას ოთხი თვე დასჭირდებოდა, გათვალისწინებული არ მქონდა ისეთი წინააღმდეგობები, როგორიც საქართველოა"- აღნიშნა კუდრინმა.

შეგახსენებთ, რომ ალერქსეი კუდრინმა აშშ-რუსეთის მოლაპარაკებების შენდეგ განაცხადა, რომ ოთხ თვეში დასრულდებოდა დოკუმენტების საბოლოო შემუშავება და ექვს თვეში კი რუსეთი ვმო-ს წევრი გახდებოდა. იქვე გამოითქვა მოსაზრება, რომ საქართველო ვერ გახდებოდა რუსეთისთვის წინააღმდეგობა, რადგან არ აწარმოებდა რუსეთთან ორმხრივ მოპალარაკებებს ვმო-ში გაწევრიანების საკითხზე.

პარალელურად კი ოფიციალურმა თბილისმა გააჟღერა საკუთარი პოზიციამ რომ საქართველო რუსეთის ვაჭრობის მსოფლიო ორგანიზაციაში გაწევრიანებას მხარს მანამდე არ დაუჭერს, "სანამ არ იქნება შესრულებული ის პირობები, რომელსაც საქართველოს ხელისუფლება აყენებს", _ ასე უპასუხა საქართველოს პრეზიდენტის პრესსპიკერმა მანანა მანჯგალაძემ პრესონფერენციაზე სააგენტო "ჯი-ეიჩ-ენის" შეკითხვას როგორი იქნება საქართველს პოზიცია რუსეთის ვმო-ში გაწვრიანებათან დაკავშირებით, იმ ფონზე, როცა რუსეთის ვმო-ში გაწევრიანებათან დაკავშირებით აშშ-მა და რუსეთმა მოლაპარაკებები დაასრულეს.

პრეზიდენტის პრესსპიკერმა საქართველოს პრეზიდენტის მიხეილ სააკაშვილის პოზიცია გააჟღერა და აღინშნა, რომ ეს არის საბოლოო პოზიცია, რომელიც საქართველოს ხელისუფლებას და ასევე პრეზიდენტს აქვს.

"საქართველოს ხელისუფლების პოზიცია უცვლელია. საქართველო ვერ დაუჭერს მხარს რუსეთის მსოფლიო სავაჭრო ორაგნზიაციაში გაწევრიანებას მანამდე ვიდრე არ იქნება შესრულებული ის პირობები, რომელსაც საქართველოს ხელისუფლება აყენებს. მათ შორის ეს ეხება საბაჟო გამშვები პუნქტების თემას და იმ საკითხების მთელ სპექტრს, რომელიც რუსეთსა და საქართველოს შორის არსებობს", - აღნიშნა პრეზიდენტის პრესსპიკერმა.

შეგახსენებთ, მრომ რუსეთი ვმო-ში გაწევრიანებას 1993 წლიდან ცდილობს.