რუსეთის ფედერაციას ლისაბონში ნატოს სამიტში მონაწილეობის საკითხი ჯერ არ გადაუწყვეტია.
აღნიშნულ საკითხზე, ნატოს გენერალური მდივანის ანდრეს ფოგ რასმუსენის ინიციატივით, რუსეთის ფედერაციის საგარეო საქმეთა მინისტრ სერგეი ლავროვთან სატელეფონო საუბარი გაიმართა.
რუსეთის საგარეო უწყების ოფიციალური ვებ-გვერდის ინფორმაციით, რასმუსენი დაინტერესდა, აპირებდა თუ არა რუსული მხარე ლისაბონში ნატოს სამიტში მონაწილეობის მიღებას. ლავროვმა აღნიშნა, რომ "ამ დროისთვის აღნიშული საკითხი ყურადღებით განიხილება".
შეგახსენებთ, რომ ლისაბონში ნატოს სამიტი 20 ნოემბერს არის დაგეგმილი.
