აჭარაში უცხო ენების ცენტრი შეიქმნება. აჭარის მთავრობის თავმჯდომარე თურქეთის საერთაშორისო თანამშრომლობისა და განვითარების სააგენტოს წარმომადგენლებს აჭარის განათლების, კულტურისა და სპორტის მინისტრთან ერთად შეხვდა.
ლევან ვარშალომიძესა და რესულ დურმაზის შორის საუბრის მთავარი თემა აჭარაში უცხო ენების ცენტრის შექმნა იყო. ეს იქნება სასწავლო დაწესებულება, სადაც სხვადასხვა უცხო ენას ნებისმიერი მსურველი ისწავლის. საუბარი შეეხო ასევე მარადიდი-მაჭახელას გზის რეაბილიტაციას.
"კიდევ ერთი ერთობლივი პროექტი უკვე დასასრულს უახლოვდება, ეს არის მაღალმთიანეთში სამედიცინო დაწესებულებების რეაბილიტაცია.პოლიკლინიკები აღიჭურვება თანამედროვე ტიპის დანადგარებით", - განაცხადა შეხვედრის შემდეგ თურქეთის საერთაშორისო თანამშრომლობისა და განვითარების სააგენტოს წარმომადგენელმა.
