აჭარაში Weekend ტურების ფარგლებში ყოველ შაბათ-კვირას 2 ათასი ტურისტი ჩამოდის, ამის შესასებ აჭარის ტურიზმის დეპარტამენტის თავმჯდომარემ თემურ დიასამიძემ აჭარის მთავრობის სხდომაზე განაცხადა.
"ყოველ შაბათ-კვირას პროექტის ფარგლებში ბათუმში მინიმუმ ორი ათსი ტურისტი ჩამოდის. ოქტომბრის ვიკენდ-ტურების საშუალებით ნელნელა იმსხვრევა სტერეოტიპი, რომ ბათუმი არის მხოლოდ ზაფხულისა და ზღვის ქალაქი", - აღნიშნა თეიმურაზ დიასამიძემ.
შეგახსენებთ, რომ ხავერდოვან სეზონზე აჭარაში " Weekend ტურები" დაიწყო. ამ პერიოდის განმავლობაში კი ბათუმში არსებულ კლუბებში, სასტუმროებსა და კაფე-რესტორნებში 15%-იანი ფასდაკლების სისტემა მუშაობს.
Weekend - საგზურები თბილისში, ტურისტულ სააგენტოებში იყიდება. აჭარის ტურიზმის დეპარატმენტის მონაცემებით, წელს ე.წ. ხავერდოვან სეზონზე, გასული წლების მონაცემებთან შედარებით, დამსვენებელთა რაოდენობა გაზრდილია.
