"გავაცნოთ აჭარა თურქეთის რესპუბლიკას" - პროექტის ფარგლებში აჭარიდან 11-წევრიანი დელეგაცია თურქეთში გაემგზავრა.
23-დღიანი ტურის მიზანია თურქეთში მცხოვრები ჩვენებურების გაცნობა, აჭარის ტურისტული პოტენციალის წარმოჩენა და პოტენციური ბაზრის მარკეტინგული კვლევა.
პროექტის მონაწილეები 45-მდე სოფელს და 13 ქალაქს მოივლიან, ძირითადად ქართველებით დასახლებულ ადგილებს. ტურის ფარგლებში დაგეგმილია სამთო, საზღვაო, ეკო, აგრო და ეთნოგრაფიული ტურიზმის შესაძლებლობების წარმოჩენაც.
მასპინძელი ქალაქების მოსახლეობას საშუალება ექნება ადგილზევე დააჭაშნიკოს ქართული წარმოების სხვადასხვა სახის ღვინო.
