წარმომადგენელთა პალატის თავმჯდომარემ ვლადიმერ ანდრეიჩენკომ განაცხადა, რომ ბელორუსის პარლამენტის ორივე პალატის სხდომის ჩატარება განპირობებულია იმ საჭიროებით, რომ ბოლო დროს "

"ბელორუსში საპრეზიდენტო არჩევნების წინა პერიოდში ვრცელდება გამოგონილი ბრალდებები ქვეყნის ხელისუფლების მისამართით, რომელიც კითხვის ნიშნის ქვეშ აყენებს ორ ქვეყანას შორის სტრატეგიულ პარტნიორობას და ერთობლივ პროექტებს", _ განაცხადა ბელორუსის წარმომადგენელთა პალატის თავმჯდომარემ ვლადიმერ ანდრეიჩენკომ პარლამენტარებისადმი მიმართვისას.
მისივე თქმით, ზოგი რუსი პოლიტიკოსები, ბელორუსი ხალხის ნების გამოვლენას წინ უსწრებენ და თავს უფლებას აძლევენ გააკეთონ არაკორექტული გამონათქვამები ხმის მიცემის პროცედურის წინ.

"არავინ ბელორუსში ეჭვქვეშ არ აყენებს უმაღლეს ფასეულობას ჩვენი თანამშრომლობისა და ჩვენს ხალხებს შორის ძმურ დამოკიდებულებას. ამ სიტუაციაში ჩვენ უნდა გავაკეთოთ ყველაფერი აუცილებელი იმისათვის, რომ ბელორუსი და რუსი პარლამენტარების მოქმედებებს კონსტრუქციული ხასიათი ჰქონდეთ და მიმართული უნდა იყოს მხოლოდ ინტეგრაციული პროცესების მომავალი გაღრმავებისკენ. სწორედ ამ მიზანს ემსახურება ჩვენი დღევანდელი სხდომა", _ აცხადებს ბელორუსის ქვედა პალატის Yთავმჯდომარე.

აღსანიშნავია, რომ სხდომაში რესპუბლიკის საბჭოს 44 წევრი და წარმომადგენელთა პალატის 87 წევრი მონაწილეობს.
შეგახსენებთ, რომ მიმდინარე წლის 6 ოქტომბერს რუსეთის დუმამ რუსეთ-ბელორუსის ურთიერთობებთან დაკავშირებით განცხადება მიიღო, რომელშიც მხარი დაუჭირა რუსეთის პრეზიდენტის დიმიტრი მედვედევის კრიტიკას ბელორუსი კოლეგის ალექსანდრე ლუკაშენკოს მიმართ.