აშშ-ს ხელისუფლებას საქართველოს ხელისუფლების სათავეში უფრო ადეკვატური პერსონაჟის ხილვა სურს. აცხადებს რუსეთის დუმის დეპუტატი სერგეი მარკოვი.
მისივე თქმით, ამჟამად თბილისსა და ვაშინგტონს შორის ურთიერთობები ძალიან წინააღმდეგობრივ ეტაპზე იმყოფება. "დიახ, ერთის მხრივ, მათ შორის არის სერიოზული სისტემური კავშირები. აშშ ეხმარება საქართველოს იურიდიული და ეკონომიკური რეფორმების გატარებაში, სხვა და სხვა რჩევებს აძლებს და ფინანსურადაც ეხმარება. თუმცა მიუხედავად ამის არის ძალიან სერიოზული წინააღმდეგობები უპირველეს ყოვლისა ორი ქვეყნის პოლიტიკურ ხელმძღვანელობას შორის", _ აცხადებს მარკოვი.
ამას გარდა, დუმის დეპუტატი თბილისისა და ვაშინგტონის ურთიერთობებს, რუსეთისა და ბელორუსის ურთიერთობებს ადარებს. "მათ შორის არის გარკვეული პარტნიორული შეთანხმებები, მაგრამ ხელისუფლების დონეზე ბევრი წინააღმდეგობაა. ამერიკის ხელისუფლება ბედნიერი იქნებოდა, საქართველოში ამჟამად ლიდერი რომ გამოიცვალოს", _ აცხადებს მარკოვი და დასძენს, _ "ამერიკელები თვითონ არ დაამხობენ სააკაშვილს, ამიტომაც ისინი გამუდმებით მიანიშნებენ სხვა და სხვა პოლიტიკურ ძალებს მხარდაჭერის შესაძლებლობაზე. ამასთან ერთად აშშ-ს სააკაშვილი ძალიან ხისტი კონტროლის ქვეშ ჰყავთ. კერძოდ, მათ აქვთ მიცემული კატეგორიული აკრძალვა მისთვის აფხაზეთისა და სამხრეთ ოსეთის მიმართულებით რაიმე სახის საბრძოლო მოქმედების დაწყებაზე. იმ შემთხვევაში თუ საქართველოს ხელისუფლება ამაზე წავა მთელი პასუხისმგებლობა სააკაშვილს დააწვება".
მისივე თქმით, აშშ-ს ახლანდელი ხელისუფლება ასევე უკმაყოფილოა, იმით რომ საქართველოს პრეზიდენტს ძალიან მჭიდრო კავშირი ჰქონდა რესპუბლიკელებთან, კერძოდ ულტრაკონსერვატული დაჯგუფებასთან ჯონ მაკკეინის ხელმძღვანელობით.