აშშ-ს მიერ საქართველოდან რუსეთის საოკუპაციო ჯარების გაყვანის მოთხოვნა ყველაზე მნიშვნელოვანი პოლიტიკური მხარდაჭერაა.
ამის შესახებ საქართველოს პრემიერ-მინისტრმა ნიკა გილაურმა აშშ-საქართველოს სტრატეგიული თანამშრომლობის ქარტიის წლის შემაჯამებელი სხდომის დასრულების შემდეგ განაცხადა.
"აშშ-ს სახელმწიფო მდივნის ჰილარი კლინტონის გამოსვლა იყო როგორც ეკონომიკური, ასევე პოლიტიკური მხარდაჭერის კარგი მაგალითი. შეერთებული შტატები იყო და არის საქართველოს მხარდამჭერი ერთიანი სუვერენული საზღვრების მხარდამჭერი", - განაცხადა გილაურმა.
შეგახსენებთ, რომ აშშ-საქართველოს სტრატეგიული თანამშრომლობის ქარტიის წლის შემაჯამებელი სხდომა ვაშინგტონში 6 ოქტომბერს აშშ-ს სახელმწიფო მდივანმა ჰილარი კლინტონმა გახსნა.
სხდომის დასრულების შემდეგ კი პრემიერ-მინისტრმა ნიკა გილაურმა შეხვედრებო აშშ-ს სენატორებთან, მათ შორის რიჩარდ ლუგართან, ასევე საერთაშორისო სავალუტო ფონდის ხელმძღვანელებთან გამართა.
