ნომინანტების დასახელების უფლება აქვს დაინტერესებულ პირთა საინიციატივო ჯგუფებს (არანაკლებ სამი წევრისა), დაწესებულებებსა და კომპანიებს, პოლიტიკურ თუ საზოგადოებრივ ორგანიზაციებს, ფონდებს და ა.შ. "ოქროს პერგამენტის" ლაურეატობის კანდიდატების დასახელება 10 ნოემბრამდე იქნება შესაძლებელი.

წარმოდგენილი ნომინანტები შეყვანილნი იქნებიან გამოკითხვის ანკეტაში, რომლის საფუძველზეც საკონსულტაციო კვლევითი ჯგუფი GCG საქართველოს მასშტაბით ლაურეატების გამოსავლებად გამოკითხვას ჩაატარებს. გამოკითხვა მთელს საქართველოში 25 ნოემბრს დაიწყება.

"ოქროს პერგამენტის" ლაურეატების ვინაობა კი ტრადიციისამებრ 24 დეკემბერს გახდება ცნობილი.

"თუ გასულ წლებში პერგამენტის ლაურეატობის კანდიდატის დასახელება ნებისმიერ რესპოდენტს შეეძლო, წელს ეს წესი შეიცვლება და რესპოდენტებისთვის ნომინატების შეთავაზება მოხდება, საიდანაც ისინი მთთვის სასურველ კანდიდატს შეარჩევენ", _ აცხადებს ახალი ამბების სააგენტო "ჯი-ეიჩ-ენის" გენერალური დირექტორი გოჩა მირცხულავა.

ორგანიზატორების, განცხადებით კანდიდატების წარმოსადგენად აუცილებელია დახასიათება, მოტივაცია თუ რატომ იმსახურებს კონკრეტული პირი, პროექტი თუ კომპანია "ოქროს პერგამენტის" ლაურეატის წოდებას, ასევე ინფორმაცია ნომინატების წარმომდგენის შესახებ და შესაბამისი სფეროს ექსპერტის დასკვნა-რეკომენდაცია.

2010 წელს ოქროს პერგამენტი შემდეგ ნომინაციებში გაიცემა: წლის ადამიანი, პოლიტიკოსი, ბიზნესმენი, ხელოვანი, ჟურნალისტი, სპორტსმენი, კომპანია, პროექტი, ბრენდი, კომუნიკატორი, უცხოური კომპანია ასევე დასახელდება "ოქროს პერგამენტის" საპატიო ლაურეატიც.

შეგახსენებთ, რომ "ოქროს პერგამეტი" წელს მეოთხედ გაიცემა.

გასულ წლებში სხვადასხვა ნომინაციაში პერგამენტის ლაურეატები არიან: საქართველოს კათალიკოს-პეტრიარქი ილია მეორე, პაატა ბურჭულაძე, რობერტ სტურუა, ნინო ბურჯანაძე, ინგა გრიგოლია, ვახო სანაია, ნინო შუბლაძე, ია ანთაძე, დენის კიფი, პატრიცია ფლორი, მანუჩარ კვირკველია, საქართველოს საკალათბურთო ნაკრები, ირაკლი ცირეკიძე, კობა სუბელიანი, სანდრა რულოვსი, "ვანის საგანძური" _ დავით ლორთქოფანიძე, "ნათელი ქრისტესი - საქართველო" - ნესტან კირთაძე, "ფონდი "იავნანა" _ პაატა ბურჭულაძე, მამუკა ხაზარაძე, გიორგი გოგუაძე, მაია რჩეულიშვილი, "ლუდსახარში ნატახტარი"; "თელიანი ველი", "ავერსი", თი-ბი-სი ბანკი, საქართველოს ბანკი, "ჯეოსელი", "მაგთი", "სახალხო ბანკი".

ნომინატების წარმოდგენა შესაძლებელია მისამართზე: თბილისი, ლეონიძის 1 ოფისი 3, 144571, 892712020 დამატებითი ინფორმაციითვის : pergamenti2010@ghn.ge, ghn@ghn.ge