ფინანსთა სამინისტროს შემოსავლების სამსახური ელექტრონულ მომსახურებაზე გადადის. როგორც დღეს, სამსახურის ვებგვერდის პრეზიეტაციაზე, შემოსავლების სამსახურის უფროსმა გიორგი ცხაკაიმ განაცხადა, ახალი მომსახურეობით გადამხდელისა და შემოსავლები სამსახურის ურთიერთობა კიდევ უფრო გაიოლდება.
"ჩვენს ვებგვერძე განთავსებულია ყველა ის ინფორმაცია რაც გადამხდელს აინტერესებს. ამიერიდან მათ საშუალება ეძლევათ სახლიდან და ოფისიდან გაუსვლელად, მიიღონ ნებისმერი ინფორმაცია, დაარეგისტრირონ სხვადასხვა განცხადებები და მიიღონ ელეტრონული პასუხები, რასაც კანონის ძალა აქვს"- განაცხადა გიორგი ცხაკაიმ.
ცხაკაიას ინფორმაციით, გადამდხელზე ნებისმერი ინფორმაცია იქნება მაქსიმალურად დაცული, რადგანაც საიტი და სერვერი საკმაოდ ძვირადღირებული ტექნოლოგიებითაა აღჭურვილი.
შემოსავლების სამსახურის მომსახურების ვებგვერდი წწწ.რს.გე მომხმარებელს 100 სახის ელექტრონულ მომსახურებას სთავაზობს.
ვებგვერდი გადამხდელს შესაძლებლობას მისცემს ოფისიდან გაუსვლელად განახორციელოს შემდეგი ოპერაციები: საბანკო ანგარიშების შესახებ ცნობის მიღება, არასწორედ შევსებული ანგარიშ-ფაქტურის გაუქმება, ვიდეო კოდექსი, საგადასახადო გირავნობის/იპოთეკის გაუქმება, საგადასახადო დავალიანების შესახებ ცნობის მიღება, ქონებაზე ყადაღის მოხსნა და სხვა.
