პარლამენტის ტერიტორიული მთლიანობის აღდგენის კომისია ცხინვალის რეგიონისა და აფხაზეთის მთავრობებს, დევნილთა და ოკუპირებულ ტერიტორიებზე მცხოვრები მოსახლეობის ჯანმრთელობის მდგომარეობის შესახებ, ინფორმაციის წარდგენას სთხოვს.
ამის შესახებ ტერიტორიული მთლიანობის აღდგენის კომისიის თავმჯდომარემ შოთა მალაშხიამ დღეს პარლამენტში ადამიანის უფლებათა დაცვის კომიტეტის და ტერიტორიული მთლიანობის აღდგენის კომისიის ერთობლივ სხდომაზე განაცხადა.
როგორც მალაშხიამ განაცხადა, აუცილებელია საერთაშორისო საზოგადოებას ჰქონდეს ინფორმაცია, თუ რა მდგომარეობაა დევნილებში ჯანდაცვის მხრივ და ზოგადად ოკუპირებულ ტერიტორიაზე.
"უნდა მოხდეს ინფორმაციის შედარება და გაკეთდეს დასკვნა, რა გამოუსწორებელ შედეგს ვიღებთ ტერიტორიების ოკუპაციით", - განაცხადა მალაშხიამ.
აღნიშნულთან დაკავშირებით, კომისია აფხაზეთისა და ცხინვალის რეიგონის ლეგიტიმურ მთავრობებთან შეხვედრას უახლოეს პერიოდში გეგმავს.
