პოლიტოლოგი სოსო ცისკარიშვილი ვარაუდობს, რომ ხელისუფლება ოპოზიციის წინადადებაზე, საარჩევნო კოდექსში განსახორციელებელ ცვლილებებთან დაკავშირებით, უარს ვერ იტყვის და ამ ცვლილებების დიდი ნაწილი, შესაძლოა, განხორციელდეს კიდეც.
ამის არგუმენტად ის გარემოება მოჰყავს, რომ ოპოზიცია ამ პროცესში მარტო არ მოქმედებს და საერთაშორისო ორგანიზაციების მეთვალყურეობის ქვეშ იმყოფება.
"ცვლილებების ეს პროექტი განხორციელებადია. ერთადერთი პრობლემა შესაძლოა იყოს ხელისუფლების პოლიტიკური ნება. რადგან ოპოზიცია მოქმედებს არა ეულად, არამედ საერთაშორისო ორგანიზაციების მეთვალყურეობის ქვეშ, ვფიქრობ, ხელისუფლებას გაუჭირდება უარყოს ის ჭეშმარიტება, რაც ზედაპირზე დევს," - განაცხადა ცისკარიშვილმა სასტუმრო "შერატონ მეტეხი პალასში", სადაც ოპოზიციური პარტიები საარჩევნო კოდექსში შესატანი ცვილებების ერთობლივ პროექტი ქართულ არასამთავრობოებსა და ექსპერტებს გააცნო.
