ბელორუსის პრეზიდენტმა ალექსანდრე ლუკაშენკომ აფხაზეთისა და სამხრეთის დამოუკიდებლობის აღიარების საკითხი პოლიტიკური ვაჭრობის საგნად აქცია. განაცხადა რუსეთის პრეზიდენტმა დიმიტრი მედვედევმა თავის ვიდეობლოგში, რომელიც კრემლის ოფიციალურ ინტერნეტ-გვერდზეა გამოქვეყნებული.
"არაერთხელ განმიცხადებია: ამ ორი ახალი სახელმწიფოს აღიარება თითოეული სახელმწიფოს სუვერენული უფლებააა და ჩვენ არასოდეს არავისზე ან გაგვიხორციელებინა ზეწოლა ამ საკითხთან მიმართებაში, თუმცა ჩვენთვის ეს სულერთი არ არის", _ აცხადებს დიმიტრი მედვედევი და აღნიშნავს, რომ ბელორუსის პრეზიდენტმა აფხაზეთისა და სამხრეთ ოსეთის დამოუკიდებლობის აღიარების პირობა კოლეგა ხუთი პრეზიდენტის თანდასწრებით დადო, "მეტიც, სიმართლისათვის უნდა ითქვას, რომ ამის შესაბამისი ვიდეოჩანაწერიც არსებობს. ამის შემდეგ კი ეს საკითხო პოლიტიკური ვაჭრობის საგნად იქცა", _ აცხადებს მედვედევი.
რუსეთის პრეზიდენტი ასევე განაცხადა, რომ ბელორუსის პრეზიდენტი ლუკაშენკო სხვა მრავალ სიტუაციაში ბევრჯერ მოქცეულა არადიპლომატიურად. მისივე თქმით, ლუკაშენკო უზრდელია.
"პრეზიდენტი ლუკაშენკო თავის გამონათქვამებში ცდება არა მხოლოდ დიპლომატიურ წესებს, არამედ ელემენტარულ ადამიანურ ზრდილობას, თუმცა ეს ჩემთვის არახალია", _ აცხადებს მედვედევი და დასძენს, რომ იგი ძალიან გაკვირვებული იყო, როდესაც ბელორუსის პრეზიდენტთან პირველი ორმხრივი შეხვედრის დროს ლუკაშენკომ რუსეთის ექს-პრეზიდენტების ლანძღვა დაიწყო.
"მახსოვს, ძალიან გაკვირვებული ვიყავი, როდესაც ჩვენი პირველი ორმხრივი შეხვედრის დროს იმის ნაცვლად, რომ რუსეთ-ბელორუსის ორმხრივ ურთიერთობებზე ესაუბრა, მან ჩემი წინამორბედების ვლადიმერ პუტინისა და ბორის ელცინის ძალიან ნეგატიურ ჭრილში განხილვა დაიწყო. მაშინ მომიხდა შემეხსენებინა ჩემი კოლეგისათვის, რომ ჩვენი მოლაპარაკებების საგანი სულ სხვა თემებია", _ აცხადებს დიმიტრი მედვედევი.
