დღეიდან თბილისის მოსახლეობა "ლიბერთი ბანკის" 25 სერვისცენტრში შეძლებს ელექტროენერგიის, წყლის, დასუფთავებისა და ბუნებრივი აირის მოსაკრებლის საკომისიოს გარეშე გადახდას. ეს 25 სერვისცენტრი არჩეულ იქნა ისე, რომ თბილისს სრულად ფარავს და ქალაქის ყველა უბნის მცხოვრები შეძლებს აღნიშნული მომსახურებით სარგებლობას. "ლიბერთი ბანკის" ყველა დანარჩენ სერვისცენტრში კომუნალური მომსახურების გადახდაზე კვლავ იმოქმედებს საკომისიო გადასახადი 0.50 ლარის ოდენობით.
"თბილისის ყველა უბნის მცხოვრებს დაურიგდება სპეციალური საინფორმაციო ბროშურა, რომელშიც მითითებული იქნება აღნიშნული 25 სერვისცენტრის ჩამონათვალი და მისამართი. ასევე იმუშავებს 24-საათიანი საინფორმაციო ცენტრი, სადაც კლიენტები შეძლებენ ნებისმიერი დამატებითი ინფორმაციის მიღებას~, _ განაცხადა გენერალურმა დირექტორმა და სამეთვალყურეო საბჭოს აღმასრულებელმა თავმჯდომარემ ლადო გურგენიძემ.
ყველა იმ სერვისცენტრის შესასვლელ კარზე, სადაც კომუნალური გადასახადების გადახდა საკომისიოს გარეშე იქნება შესაძლებელი, გაეკვრება სპეციალური ნიშანი კლიენტებისთვის დამატებითი კომფორტის შესაქმნელად.
აფრიკა - ჭიჭინაძის ქ. #27; ავჭალა - ლიბანის ქ. #1; გლდანი - III მ/რ; დიდგორი - დიდგორის რაიონი, სოფ. შინდისი; დიდი დიღომი - ი. პეტრიწის ქ. #11ა; დიდუბე - წერეთლის #60; დიღომი - რობაქიძის ქ. #7; ვაკე - ფალიაშვილის ქ. #38; ვაკე - საბურთალოს - მარი ჯანის ქ. #2; ვარკეთილი - III მ/რ კორპ. #310; ვაზისუბანი - შანდორ პეტეფის ქ. IV მ/რ 1კვრ; თემქა - თემქის დასახლება X კვრ.; ისანი - სამგორი-კახეთის შესახვევი #2; კრწანისი - ქიქოძის ქ. #10; ლილო - საქსოფმანქანის დასახლება II კვრ. VIII კორპ.; ლოტკინი - წერონისის ქ. #164; მთაწმინდა-კრწანისი - გორგასლის ქ. #37; მუხიანი - მუხიანის დასახლება II მ/რ, კორპ. #22; ნაძალადევი - დადიანის II მ/რ, კორპ. #22; ნაძალადევი - გურამიშვილის გამზ. #64; საბურთალო - ბუდაპეშტის ქ. #6; საბურთალო - ნუცუბიძის მე-2 მ/რ; სამგორი - მოსკოვის გამზ. #37; ფონიჭალა - ფონიჭალის III მ/რ, შენობა #2 ჩუღურეთი - დ. აბაშიძის ქ. #3.
