ოპოზიციის წარმომადგენლები და მათი მხარდამჭერები გენერალურ პროკურატურასთან საპროტესტო აქციას მართავენ. ცოტა ხნის წინ, პარტია „გამარჯვებული საქართველოს“ წევრმა გურამ ჩალაგაშვილმა პროკურატურის ჭიშკარს სიმბოლურად ბოქლომი დაადო. პროკურატურასთან იმყოფება მალხაზ მაჩალიკაშვილიც.
მისი თქმით, სანამ ივანიშვილი იქნება ხელისუფლებაში, მიიღებს ამას.
„მალხაზ მაჩალიკაშვილი, რომელიც აქ დგას, სამი წელია, ეძებს სამართალს. ამათ ხელში სამართალი ვერ იპოვა. ეს ის ხალხია, რომლებიც უმოწყალოდ წირავენ ადამიანებს. გუშინ რურუას ჩაუდეს იარაღი, გუშინ ოქრუაშვილს 15 წლისწინანდელი ვითომ დანაშაული გაუხსენეს და საქმე აღუძრეს. მაქსიმალურ ტერორზე არიან გადასული. უნდათ, რომ შეგვაშინონ, მაგრამ ვერ შეგვაშინებენ. დავაბოქლომებთ, მაინც ამოვთხრით, ჩვენ ჩვენს შედეგს მივიღებთ. სანამ ივანიშვილი იქნება ხელისუფლებაში, მიიღებს ამას. ამ ბიჭებსაც ამოუვათ ყელში, გაიხდიან ფორმას, ჩვენ მხარეს გადმოვლენ და შემდეგ ვნახოთ, ამათ ვინ დაიცავთ“, – განაცხადა გენერალურ გურამ ჩალაგაშვილმა.