ფრაქცია "ნაციონალური მოძრაობის" თავმჯდომარე რომან გოცირიძე წყალტუბოს აღორძინების პროექტს ივანიშვილის "იაფი ბიზნესის" ასაწყობ მორიგ სქემას უწოდებს.
"ეს არის ნაცადი სქემა - მაგალითად, მან გაყიდა გლდანის ბიტკოინების ქარხანა, სადაც მიიღო უფასოდ მიწა, გათავისუფლდა ყველა გადასახადისაგან, ეს საწარმო აბსოლუტურად არაფერს იხდის, შეღავათიან ფასში მიეწოდება ელექტროენერგია და ხალხისა და ბიუჯეტის შეღავათით იაფად აწყობილი ბიზნესი გაყიდა საკმაოდ სარფიანად, ასევე მოხდა გორში. თუ წყალტუბოში ჩალის ფასად მიიღებს მიწას და ააშენებს, გამოუჩნდება ბუნებრივია, მყიდველი შემდეგ,"- განაცხადა რომან გოცირიძემ.
