"აქსისი" მიმდინარე 6 პროექტზე თვეში საშუალოდ 24 სართულს ააშენებს. სამშენებლო კომპანია "აქსისის" დეველოპერ გიორგი ჭყონიას თქმით, თვეში საშუალოდ 24 სართულს ააშენებენ. ეს ობიექტებია: "აქსის პალასი" I, "აქსის პალასი" II, საირმე 51, ჭავჭავაძე 75, აბაშიძე 34-36, ახალი იპოდრომი.
მათ წარმოადგინეს დეტალური გრაფიკი, სადაც 2010-2012 წლამდე კვარტლურად დაყოფილია მშენებლობების ხანგრძლივობები. ამ კვარტალში, წლის ბოლომდე იგეგმება 24 სართულის აშენება. შემდეგ წლის პირველ ორ კვარტალში კი ეს რიცხვი ერთით იკლებს.
"აქსისს ბაზარზე გამოაქვს საბანკო გარანტიებით მიმდინარე მშენებლობები და უძრავი ქონების შესყიდვის დივერსიფიცირებული და ურისკო შემოთავაზებები. 2012 წელს ყველა ობიექტს დავასრულებთ. კრიზისის პერიოდშიც კი ჩვენმა კომპანია 100 სართული ააშენა შიდა რესურსით", - განაცხადა ჭყონიამ.
"აქსისში" აცხადებენ, რომ ამ გრაფიკების შესრულების გარანტიები არსებობს და ასეთად თავად კომპანიის რესურსი, ბანკები და დებიტორები სახელდება.
