როგორც სააგენტო "ჯი-ეიჩ-ენს" "ლიბერთი ბანკში" განუცხადეს, ფილიალების ჩამონათვალი ხვალისთვის დაგეგმილ ბრიფინგზე გახდება ცნობილი, რომელიც 13:00 საათზე წერეთლის 60-ში "ლიბერთი ბანკის" ახალი ფიალიალში გაიმართება.

კომუნალური გადასახადი გადახდა კომერციული ბანკების ნებისმერი ფილიალში კვლავინდებულარად იქნება შესაძებელი, თუმცა 50-თეთრიან დანამატს მოსახლეობა მხოლოდ "ლიბერთი ბანკის" 25 ფილიალში არ გადაიხდის.

შეგახსენებთ, რომ 14 სექტემბერს საპარლამენტო უმრავლესობა კომუნალური გადასახადების ანგარიშწორებისას ბანკების მიერ საკომისიო თანხის გაუქმების ინიციატივით გამოვიდა.

პირველად ეს ინიციატივა უმრავლესობის წარმომადგენელმა, საფინანსო-საბიუჯეტო კომიტეტის თავმჯდომარემ ზურაბ მელიქიშვილმა სესიაზე გააჟღერა და საკითხის დარეგულირება ეროვნული ბანკის ხელმძღვანელს სთხოვა.

მელიქიშვილის შეფასებით, მოსახლეობის მიერ კომუნალური გადასახადების გადასახადისას ბანკებში თითო ქვითარში 50 თეთრს გადახდა უსამართლოა და ეს პრობლემა დაუყოვნებლივ უნდა მოგვარდეს.

აღნიშნული პრობლემის მოსაგვარებლად მელიქიშვილმა ეროვნული ბანკის ხელმძღვანელობას კომერციული ბანკების ხელმძღვანელებთან შეხვედრა დაავალა.
ამასთან, მელიქიშვილი იმედოვნებს, რომ ეს საკითხი უახლოეს დღეებში გაირკვევა და პარასკევის სესიაზე ეროვნული ბაკის ხელმძღვანელი შეძლებს პარლამენტს სრულყოფილი ინფორმაცია და პრობლემის მოგვარების გზების შესახებ ინფორმაცია მიეწოდოს.

ცნობისთვის, ბანკები კომუნალური გადასახადების გადახდისას მომსახურებაში 50 თეთრს იღებენ, რაც მოსახლეობას თვეში დაახლოებით 2.50 ლარი უჯდება.