"მე პირობას გაძლევთ, რომ კრახით დამთავრდება ეს შოუ, ეს დაქირავებული პროკურორები, ემსახურებიან არა სამართლიანობას და სამართალს, არამედ ბიძინა ივნიშვილს", აცხადებს საზოგადოებრივი მოძრაობა "ლელოს" ერთ-ერთი დამფუძნებელი მამუკა ხაზარაძე.
მისი განმარტებით, პროკურატურა ჩიხშია შესული.
"მე პირობა დავდე და თქვენ ამის მოწმეები იქნებით. ეს თითიდან გამოწოვილი ბრალდებები, ეს აბსურდი ამ ქვეყანაში დამთავრდება. ჩვენ წარვადგინეთ ყველა დოკუმენტაცია, ყველაფერი. პროკურატურა შესულია ჩიხში, იმიტომ, რომ ყველა გადარიცხვა, ყველა ბენეფიციარი, ყველა ტრანზაქცია არის დოკუმენტალურად წარმოდგენილი, აბსოლუტურად ყველაფერი. შესაბამისად, ისინი არიან ჩიხში, რას იზამს სასამართლო, ვნახავთ", განმარტავს ხაზარაძე.
