პარლამენტის შენობის წინ მიმდინარე აქციაზე, სახელწოდებით „სირცხვილია“, დედა სიდონია მივიდა. მან შეკრებილ მოქალაქეებს სიტყვით მიმართა და აღნიშნა, რომ ქვეყანაში არსებობს ხალხი, რომლებსაც არ მოსწონთ ის კურსი, რომელზეც დღეს ქვეყანა დგას.
დედა სიდონიამ ახალდაფუძნებულ მოძრაობა „ლელოზეც“ ისაუბრა და აღნიშნა, რომ ახალი მოძრაობა ქვეყანაში პოლიტიკურ გემოვნებას შეცვლის.
„მე მოხარული ვარ, ახალი მოძრაობა რომ გაჩნდა საქართველოში. იმედი შემოიტანა, იმიტომ რომ მე ვინც ამ ადამიანებს და ნამდვილად მეიმედება ისინი. მათ გააჩნიათ ეროვნული ღირებულებები და ფლობენ საერთაშორისო სტანდარტის უნარებსაც. ის არის განსხვავებული ფორმატი და პოლიტიკურ გემოვნებასაც შეცვლის,“ - აცხადებს დედა სიდონია.