„მაინტერესებს, რას გრძნობთ როდესაც მთელი ქვეყანა სკანდირებს - გახარიას უხარია როდესაც ბავშვებს თვალებს თხრიან“ -ასე მიმართა საპარლამენტო ფრაქცია „ერთიანი ნაციონალური მოძრაობის“ წარმომადგენელმა თინა ბოკუჩავამ გიორგი გახარიას.
„ნორმალურ ქვეყანაში ჩვენ ბატონ გიორგი გახარიას პარლამენტში კითხვებს არ უნდა ვუსვამდეთ, კითხვებს ბრალდებულის სკმაზე უნდა უსვამდნენ მას. ჩვენ არ გვაქვს ნორმალური ქვეყანა, ივანიშვილმა ჩვენ ქვეყანა წაგვართვა. აღარ არსებობს გამოძიება, აღარ არსებობს სასამართლო, აბსოლუტურად ყველა სახელმწიფო რგოლი ივანიშვილის მორჩილებაშია. სწორედ ამიტომ გვიწევს ჯალათ გახარიას პარლამენტის ტრიბუნიდან დავუსვათ ის კითხვები, რაც საზოგაოდებაში არსებობს.
მაინტერესებს, რას გრძნობთ, როდესაც მთელი ქვეყანა სკანდირებს - გახარიას უხარია, როდესაც ბავშვებს თვალებს თხრიან. რას გრძნობთ როგორც ადამიანი? ალბათ არაფერს, რადგან მონურ მორჩილებაში ხართ.
მაინტერესებს, რატომ არ გააფრთხილეთ მოქალაქეები, როცა დარბევას იწყებდით. ამას კანონი გავალდებულებთ. თქვენ გაეცით თუ არა დარბევის ბრძანება, თქვენ ამ შენობაში იმყოფებოდით მე თავად გიხილეთ, თუ ჩუბინიძემ გასცა ბრძანება და თქვენ თამაშგარეთ დაგტოვეს?!
რატომ გამოიყენეთ საერთაშორისო კონვენციით აკრძალელული ტყვიები. ისინი მხოლოდ ცხოველების წინააღმდეგ გამოიყენება, თუ მათ ცხოველებად აღიქვამთ?
რატომ ესროდნენ პოლიციელები ადამიანებს დამიზნებით სახის არეში, თავში?! რატომ გამოიყენეთ ცრემლსადენი გაზი, როცა ოპოზიცია მოლაპარაკებეზე წამოსვლას აპირებდა?!
რატომ დასდევდით ადამიანებს ქუჩებში, სკვერებში?!
მთელ ამ ისტორიაში, ვითომ გადატრიალების, რატომ ვერ წარმოადგინეთ ვერანაირი ფაქტი? თუ მხოლოდ საშვების დაშვებაა საკმარისი?“, - თქვა ბოკუჩავამ.
