შეერთებული შტატების სახელმწიფო მდივნის თანაშემწის მოვალეობის შემსრულებელი ევროპულ და ევრაზიულ საკითხებში ფილიპ რიკერი 7-10 სექტემბერს საქართველოს ეწვევა. ამის შესახებ ნათქვამია სახელმწიფო დეპარტამენტის მიერ გავრცელებულ განცხადებაში.
სახელმწიფო დეპარტამენტის ინფორმაციით, ფილიპ რიკერი, თავდაპირველად, 6 სექტემბერს, გერმანიაში, მიუნხენში მდებარე აშშ-ის გენერალურ საკონსულოს ეწვევა, საიდანაც ის საქართველოში გაემგზავრება.
"7-10 სექტემბერს ელჩი რიკერი საქართველოში ვიზიტს განახორციელებს. ის მონაწილეობას მიიღებს თბილისის საერთაშორისო კონფერენციაში და შეუერთდება უსაფრთხოების საკითხებში რეგიონულ ექსპერტებს, ქართველ პოლიტიკოსებს, სამოქალაქო საზოგადოების აქტივისტებს და ბიზნეს სექტორს.
კონფერენციაზე განხილული იქნება საკითხები, რომლებიც გავლენას ახდენენ საქართველოს დემოკრატიულ პროგრესსა და ტრანსატლანტიკურ მისწრაფებებზე.
ფილიპ რიკერი გააძლიერებს შეერთებული შტატების მხარდაჭერას საქართველოს სუვერენიტეტისა და ტერიტორიული მთლიანობის მიმართ.
ელჩი რიკერი ვიზიტის ფარგლებში საქართველოს მთავრობის წევრებს, პარლამენტარებსა და სამოქალაქო საზოგადოების ორგანიზაციების წარმომადგენლებს შეხვდება", - ნათქვამია სახელმწიფო დეპარტამენტის მიერ გავრცელებულ განცხადებაში.
